Dan
14.50.1 (p. 501,8 )
[1] Eodem tempore Eskillus, domesticis supra
vires negotiis fatigatus, dum quieti intentius consulit, proficiscendi
licentia a rege difficulter extorta, nobile Galliarum coenobium, quod
Claravallis nuncupatur, petivit, ibique privati more tranquillam vitam
degens asperum patriae convictum voluntariae peregrinationis lenitate
mutavit, iuncundiorem rerum usum apud exteros quam inter cives habiturus.